PRRS vanga vawk thihnaah hian Mawhphurhna kan nei: Vety Minister

AH&Vety minister C Ngunlian-chunga chuan, Mizorama Porcine Reproductive and Respiratory Syndrome (PRRS) vanga vawk an thih chhanah mawhphurhna chin an neih thu a sawi.

C Ngunlianchunga hian nimina a pisaa AH&Vety department hotute'n PRRS léng mek leh a ven dan tur an sawihonaah thu sawiin, "PRRS vanga vawk eng emaw zat a thihnaah hian kan mawh a ni lo ti mah ila, kan mawh a nihna chin a awm lo thei lo. Theih ang angin ṭan la mah ila, a tuartu tan chuan chhiatna rapthlak a thleng a ni," a ti.

PRRS-in a rûnna laka an kal zelna turah hmalak dan tur uluk taka ngaihtuah a ṭul thu sawiin AH&Vety Minister chuan, "PRRS nen kan indo a, kan ram an la duai duai a ni," a ti a; PRRS do hneh turin ngaihtuahna sen ngun a pawimawh thu a sawi.

Meeting-ah hian Mizorama PRRS hri len dan te, hri leng do dan turte leh thil pawimawh hrang hrang an sawiho a ni.