ZPM sorkarah GST a tlahniam - MNYF

MNYF chuan thu-chhuah siamin, ZPM an sorkar hnuah sorkarin Goods and Services Tax (GST) a dawng ṭha lo a, chhiah a dawn a tlahniam niin an tarlang.

July 2023-a GST aṭanga chhiah hmuh zat zaiin July 2024-a hmuh 1%-in a tlahniam a, August 2023-a GST hmuh zat aiin August 2024-a hmuh zat 13%-in a tlem zawk niin MNYF chuan an tarlang a ni.

MNF ṭhalaite chuan, "ZPM sorkar hnu hian a thara hmasawnna hnathawh leh hna-thawktute bill pek a kal tluan loh avangin GST sorkarin a dawng ṭha lo hle a, state dangte GST sum lak luh nasa taka a pun hlawm laiin Mizoram sorkar GST sum lak luh chu nikum aiin a thla zâwnin a tlahniam," an ti a; ZPM sorkarah sum che vel a tlem niin an sawi.

MNYF chuan, Lungleia cabinet meeting neihnaa sorkar sum tam tak hman a ni chu pawi an tih thu an tarlang a, "Kan sorkar hrawn mek, kalphung thar sorkar intite kal dan leh rorel dan hi upain chhuanmang rorel an tih ang ngei kha a ni," an ti.