Department-te Bána Kaih zirtir

Mizoram sorkar flagship prog-ramme - Bána Kaih (Handholding) Scheme kalpuinaa inhnamhnawih tur sorkar department-te tan nimin khan Planning & Programme Implementation depart-ment conference hall-ah training buatsaih a ni a, vawiinah chhunzawma zawh a ni ang.

Training hi adviser to CM (Handholding) Dr KC Lalmalsawmzauva'n a kaihruai a; Bána Kaih Scheme hlawhtlinna turin department-te an pawimawh thu sawiin, duhsak bik nei loa kalpui tur scheme a nih thu leh, dilna ṭhahnem tak a luh tawh thu a sawi.

Nimina training-ah hian bank scheme-te leh portal chungchang inhrilhfiah a ni a, progress partner-te tana DPR siamsak dante zirho a ni.

Bána Kaih Scheme-a dilna lutte chu a kaihhnawih department-a Search Committee-in an zir chian hnuah department nodal committee-in an pawmpui a ngai a, chumi hnuah Apex Body-in an lo thlang dawn a ni.