Khawzawl Electric Veng-in vote thlak tum lo

Khawzawl-I (Electric Veng) Village Council chhunga V/C leh pawl hrang hrangte ṭang­rual chuan electoral roll chung­changa an thil phût tihhlawhtlin a nih loh vang­in April 30, 2015-a V/C in­thlan turah vote thlak loh an tum thu an puang.

Khawzawl Electric Veng aṭanga thu dawn danin, Khaw­zawl-I V/C chhunga V/C, political party-te leh tlawmngai pawl hrang hrangte telna, Khawzawl VC-I Election Joint Action Committee chuan V/C inthlannaa hman tur electoral roll siam tharah an venga mi eng emaw zat chu Hermon V/C-ah telh an nih thu an sawi a; chu chu voter-te bakah, nialtu VLO-in an hriatpui lo niin an sawi.

Khawzawl VC-I Election JAC tarlan danin, electoral roll siam ṭhatnaa hearing neihnaah electoral roll chu siam ṭha turin an ngen a, February 16, 2015-ah siam ṭhatna tihchhuah a ni. Mahse, February 16-ah vêk Khawzawl-I VC chhunga mi leh sate paihna roll dang tihchhuah leh niin an sawi.

Khawzawl-I VC Election JAC-te chuan an lungawi lohnate Champhai DEO/DC hnena an thlen a; mahse an beisei leh duh ang chhanna an hmuh loh avang leh, tuna VC electoral roll hmanga inthlan an duh loh avang­in inthlan boycott an tum thu an puang ta a ni.