CM-in Champhai Winery a tlawh

Chief minister Lalduhoma chuan nimin khan Champhai Tlangsama Champhai Grape Growers Society Winery a tlawh a; Winery-a wine siamte awmze nei leh hlâwk zawka hralh a nih theih nan sorkarin hma a lak dawn thu a sawi.

Champhai Grape Growers Society hotute nen an inkawmnaah Chief Minister chuan, Society chu an grape leh wine deh chhuah hralhnaah sorkarin ṭhahnem a ngaihpui hle tih a hrilh a, "In thil siamte awmze nei leh hlâwk zawka in hralh theih nan hma kan la dawn a, thlai dang aṭanga siam chhuah thilte pawh kan ngaihtuah tel dawn," a ti a; Bana Kaih Scheme hnuaia hamṭhatnate chu an mamawh dan azirin an dil theih thu a hrilh bawk.