Insiamṭhatna hmunah ruihhlo ngai mi 130 Excise-in an dah lut tawh

Excise & Narcotics department (END) leh Central YMA Kumpuan Committee-te chuan nimin zing dar 5:20 khan Zemabawka Pushpak mandir bulah heroin gram 510 (hawng 44) an man. END hian kuminah ruihhlo ngai mi 130 chu insiamṭhatna hmunah an dah lut tawh.

END leh CYMA Kumpuan Committee-in nimina heroin an man neitua puh - Vanlalchhandama (42) s/o R Lalbiakthanga, Champhai Venglai leh Rampanmawia (22) s/o Rimawiliana, Champhai Tlangsam nia inchhálte an man nghal a; heroin phurhna atana hman WagonR car MZ-04 A-4510 an hréng nghal. Heroin neitu mante lakah NDPS Act tlawhchhanin thubuai ziah luh a ni.

END chuan ruihhlo ti ṭhinte vaiin an khâwm ṭhin a, anmahni siamṭhatna turin insiamṭhatna hmun (rehabilitation center/home) hrang hrang pakuaah a remchan dan ang zelin an chhungte hriatpuinain an dah lut ṭhin tih an tarlang. Kumin 2024 chhungin ruihhlo ngai an man tawh zinga mi 130, mipa 123 leh gmeichhia pasarih chu insiamṭhatna hmunah an dah lut tawh tih an tarlang bawk.