ZPM party-in lawmthu an sawi

ZPM party chuan thuchhuah siamin, September 24, Thawhlehnia village council by-election-ah VC seat 16 zinga pariat ZPM-in an la chu lawmawm an tih thu an tarlang.

September 24, 2024 khan Mizorama VC 12-ah by-election neih a ni a, VC 12-ah hian VC seat 16 awmin, chu'ng zinga seat pariiat chu ZPM party-in an la a ni.

ZPM chuan, VC pasarihah VC member pariat an neih belh tih sawiin, "Khaw tam zawkah Congress leh MNF party, a khawi emaw zawk zawkin candidate an nei lo a, ZPM beih rawnna khua ni âwma ngaih ṭhenkhatah pawh ZPM chuan hnehna a chang deuh zel a ni," an ti.

ZPM party candidate, khawtlang rawngbawl tura pên chhuakte chu an chhuan thu sawiin ZPM chuan, "Kan ram leh khawtlang tan malsawmna thlentu ni ngei turin duhsakna kan hlan a ni," an ti a; ZPM worker-te leh an candidate-te vote-tu mipui chungah an lawm thu an tarlang.