HIV/AIDS & STI dona kawngzawh

Mizoram State AIDS Control Society (MSACS) leh Khawzawl District AIDS Prevention and Control Committee chuan nimin khan Intensified IEC Campaign - India Fights against HIV/AIDS & STIs pualin kawngzawh an huaihawt a, Khawzawl bawrhsap K Vanlalṭhiana'n a vailiam.

Kawngzawhah hian Khawzawla sikul hrang hranga zirlaite leh zirtirtute an tel a, DC pisa tual aṭangin Zaingen YMA Hall thleng kawng an zawh. Zaingen YMA Hall-ah Intensified IEC Campaign pualin hun hman a ni a, mithiamte'n HIV/AIDS chungchanga hriat tur pawimawh hrang hrang an sawi bakah, HIV/AIDS leh STI (sexually transmitted infections) laka inveng fimkhur a, mi dang zirtir zel tura intiamna thu sawi rual a ni.

Campaign puala intihsiakna - flash mob dance, placard siam leh debate lawmman sem a ni a, mimal leh group zai hrang hrang ngaihthlak a ni bawk.