Principal anticipatory bail dilna hnâwl a ni
MZP-in zirlaite buma an puh, Southern Higher Secondary School principal, Mighty L Pachuau chuan Court-ah anticipatory bail a dil a, mahse Aizawla additional district & sessions judge Vanlalenmawia'n a hnâwlsak.
Southern HSS principal Mighty L Pachuau lakah hian MZP chuan March 30, 2015 khan Aizawl Police Station-ah FIR an thehlut a ni. MZP chuan principal hi Southern HSS-a open school-a zirlaite aṭangin admission fee, exam fee leh thil dang atan Rs. 5,000 a lak bakah, sum dang pawh a la ṭhin niin an tarlang a, exam lem buatsaihsakin zirlaite chu marksheet lem an siamsak ṭhin niin an sawi bawk.
A anticipatory bail dil hnâwl a nih avang hian Mighty L Pachuau chu April 20 khan police-in an man a ni.