Vaivakawnah leiminin mi pakhat delh hlum

Nimin chawhma lama ruah sur tam lai, dar 11:15 khan Vaivakawna Salvation Army Kanan Corp biak-in sak ṭhat mekah kopang laih a min a, hnathawktu mi pakhat chhilh hlumin, mi pakhat dang a hliam.

Vaivakawn Police Station aṭanga thu dawn danin, leiminin a chhilh hlum hi Tez Bahadur (57) h/o Lalnunmawii, Vaivakawn a ni a, a hmunah a thi. Lalmalsawma (24) s/o Thankhuma, Khawlian, Vaivakawna khawsa mek chu a hliam a, damdawi-in panpui a ni.

Chhiatna thlenna hmun hi bialtu MLA Lalruatkima leh MLA dang PC Zoram Sangliana ten an tlawh nghal a; Aizawl DC Office aṭang­in magistrate kal nghal bawkin, magistrate phalnain Tez Bahadur-a ruang chu post mortem a ni lo.