Kolasib leh Hailakandi hotute inbia

Kolasib DC Jitender Yadav hoin, nimin khan a pisaah Kolasib leh Hailakandi district mipui leh state ramri depa cheng mipuite inunauna leh inlaichinna boruak ṭha zawk a awm theih nan Outreach Programme neih dan tur sawiho a ni.

Kolasib district leh Cachar district chuan April 8-9, 2015 khan Dholai, Assam-ah Outreach Programme an hman chu a hlawhtling hlea a hriat thu sawiin, Kolasib DC chuan, "Hailakandi district nen Outreach Programme kan neih turah pawh hian Kolasib district khaw hrang hrangte a tam thei ang ber tel thei se a duhawm hle. Ramri depa awm khuate inkara boruak ṭha leh muanawm a awm chuan state pahnihte inkara in­unauna leh thawhhona chu chak thei zawk dawn a ni," a ti.

Kolasib leh Hailakan­di district-te inkara Out­reach Programme chung­changah hian April 11 khan Kolasib addl. DC Lalfela Sailo leh a thawh­puite leh Hailakandi district thuneitute chu Hai­lakandi-ah an inbe tawh a, May 7, 2015-ah Bairabi-ah an inbe leh ang.