February 2015-ah thubuai 836 chingfel

Aizawl Judicial District chhung, Mizoram hmar lam chan district pangaah kumin February thla khan thubuai ziah luh thar 953 a awm a, thubuai 836 chinfel a ni.

Aizawl Judicial Dis­trict-in a tarlan danin, an huam chhung dis­trict panga - Aizawl, Cham­phai, Kolasib, Mamit leh Serchhip district-ah kumin February thla tirah khan a hma lama thubuai chinfel loh 3,658 a awm a, thubuai lut thar 953 nen February thla chhunga thubuai awm zawng zawng chu 4,611 a awm. Thubuai 4,611 zinga 836 chu February thla chhungin chinfel a ni a; thla tawpah thubuai chin fel loh 3,775 a awm a ni.

Sorkar inrelbawlnaa Aizawl district bikah chuan judge 12 an awm a, district dang zawngah judge pahnih ṭheuh an awm a ni.