Commerce & Industries hnuaiah SEDP trade tihpun rawt a ni

Commerce & In­dustrial Development Board chu nimin khan an chairman Dr R Lalthangliana, Commerce & Industries minister hoin Secretariat conference hall-ah an ṭhukhawm a, SEDP hnuaiah trade tihpun rawtna a ni.

Dr R Lalthangliana chuan, ramria sumdawn­na Mizoram sorkarin a ngai pawimawh tih sawiin, "Board member-te nen ramria insumdawn tawnna hmunte a tah­tawla tlawha zir chian a ṭul. Myanmar leh Bang­ladesh ramria insumdawn tawnna hmun Zokhawthar, Saisihchhuah, Hruite­zawl, Zorinpui, Kawr­puichhuah, Silsury, Bungkhawkai, Saikhum­phai, Chakhang leh a dangte hmasawnna tur ngaihtuah a, border trade changtlung zawka kalpui dan tur uluk taka en a, hmalak zel dan tur ngaihtuah a ngai," a ti.

Ṭhutkhawmah hian SEDP hnuaiah Commerce and Indus­tries department bikah sorkar kum thara trade hrang hrang leh beneficiary thlan dan tur chungchang ngaihtuah a ni a; trade tihpun rawtna awm chu Working Group Committee ngaihtuah turin an dah. Mizoram Food Processing Society rawtna anga food processing lam hawi trade SEDP-a tel chungchang pawh Working Group zir chian tura dah a ni.

State Innovation Cluster Concept chung­chang te, Mizoram châwm thei tur brick industry din kawnga hmalakna te, Mizoram Food Processing Research and Training Centre chungchanga rawtna te, industries asso­ciation aiawh Board member-a ruat chung­changte leh thu pawimawh dangte rèl a ni bawk.