Mahni ina solar energy siamna bun duh tan loan lak theih dawn

Power & Electricity minister F Rodingliana hoin nimin khan a pisaah chak zawka solar rooftop scheme - PM Surya Ghar Muft Bijli Yojana kalpui dan tur sawiho a ni. Minister chuan, scheme hmang duh, a tira senso tur sum lú nei lo tan a pung hniam takin bank loan lak theih a nih dawn thu a sawi.

F Rodingliana chuan, Mizoram sorkarin rooftop solar kilowatt 1 zelah subsidy Rs 12,000 a pek dawn thu a sawi a, "KW 10 thleng installation ti duh tan subsidy pek a ni dawn. Scheme hnuaiah hian sorkar laipuiin KW 3 thleng subsidy a peksak thei a, KW 1 zelah Rs 33,000 subsidy a pe. Hemi belhchhah nan hian state sorkar chuan subsidy a tum ve leh a, scheme hmang ṭangkai duh, a tira senso tur sum lu nei lo tan interest hniam takin loan a lak theih dawn a ni," a ti.

Solar Rooftop Scheme hi prime minister Narendra Modi-a'n February 29, 2024 khan a tlangzarh a, nizung chakna hmanga kawlphetha tam zawk siamna tur leh mimalte'n an ina kawlphetha mamawh an siam chhuah theihna tura ruahman a ni.

Ṭhutkhawmah hian PE department mai bakah, vendor-te chu PM Surya Ghar Muft Bijli Yojana chungchang uar zawka mipui hnena tlangzarh turin an rêl a ni.