Fare tisang lo turin hriattir

Lunglei district transport officer (DTO) Beitlotha Nohro chuan, State Transport Authority (STA) hriatpuina loin lirthei chuan man (fare) tisang lo turin sumdawnna lirthei neitute a hriattir a, "Rate sanga tlan lui an awm chuan an chungah action lak a nih pawhin an sawibuai thei lo ang," a ti.

Lunglei DTO chuan, tunlai kawng chhia leh tuialhthei man sang chhuanlamin mihring phur sumdawnna lirtheite zingah STA hriatpuina tel loa fare tisang an awm tih hriat a nih thu a tarlang a, "Dan kalh a nih avangin sorkar pawmpui chuan man (Govt Approved Rate) anga tlan turin mihring phur lirtheite hriattir an ni. Rate sanga tlan lui an awm chuan an chungah action lak a nih pawhin an sawibuai thei lo ang," a ti. Fare bithliah aia sanga tlan an awm chuan Enforcement Inspector phone number 6009279108-ah hriattir turin mipui a chah.

LIRTHEI CHUAN MAN

Two Wheeler Taxi

Km 1 chinah Rs 30
Km 1 hnuah km tinah Rs 20 zel

Auto-Rickshaw

Km 1 chinah Rs 35
Km 1 hnuah km tinah Rs 25 zel

Four Wheeler Taxi

Km 1 chinah Rs 55
Km 1 hnuah km tinah Rs 45 zel

Maxi-Cab

Metal road-ah km 1-ah Rs 3.50
Metal road loah km 1-ah Rs 4

Bazar Bus

Km 1-ah Rs 3

Tourist Taxi

Km 1-ah Rs 30