Ṭêkin Baktawng pa a déng hlum

Rallianthanga (47) h/o Neihliani, Baktawng Dawrveng chu April 21, 2015 tlai khan ṭêkin a déng a, ká chhâwn loin a thi. Rallianthanga hi nimin khan vui a ni.

Thu dawn danin, Rallianthanga hi James Lalrohlun Hmar huanah an kal a, thlám bang tur silpauline an zâr laiin ṭêkin a dêng. Ṭêk tlaknaah hian James Lalrohlun Hmar leh a nupui pawh an awm bawk a; Lalrohlun chu thlám aṭang­in a tla a, a tlakna lamah a hliam a, ngaihtuahawm a ni lo. Lalrohlun nupui erawh chuan hliam a tuar lo a ni.