Lungleiah total bandh titawp

Mizo Students Union (MSU) regional headquarters, Lunglei leh an thawhpui pawl ṭhenkhatte'n sikul ṭan hma an duh loh vanga Lunglei khawpuia April 20, 2015 aṭanga total bandh an huaihawt chu nimin zing khan an titawp.

Lungleia MSU-te hian tun kar Thawhṭanni aṭang khan tiam chin awm loin Lung­leiah bandh an nei a; bandh an neih chhungin sorkar pisa, zirna-in leh dawrte inhawng a awm lo a, khawlaiah lir­thei tlân leh mihring chhuak­vâk an tlem hle. Buaina chhuak a awm lo bawk.

Bandh huaihawttute hi April 21 khan Lunglei High Powered Committee vice chairman leh Lunglei South bialtu MLA S Lal­dingliana chuan kâwmin, bandh chu titawp turin a ngen a; an thil phûtte chu sorkar hotute sawipui a tum thu a hrilh a ni.

Baptist Church of Mizoram hruaitute pawhin vawiin aṭanga India ram pum huap, 'National Baptist Youth Conference' an thlen dawn avangin, palaite'n harsatna an tawh loh nan bandh titawp turin an ngen bawk.