FCSCA Minister-in rel kawng chhia a tlawh

Food Civil Supplies & Consumer Affairs (FCSCA) minister B Lalchhanzova chuan nimin khan Hailakandi district-a Killarbak khaw bula Tlawng lui lianin August 28, 2024-a rel kawng a tih chhiat a tlawh a, Indian Railways hmalak dan a enfiah.

FCSCA Minister hi Indian Railway dy. CE Sangkalp Aggarwal-in lo dawng sawngin, Jamira railway station bul maia rel kawng tuilian a tih chhiat chu theihtawp chhuahin chhun zan zawma an thawh thu a hrilh.

Tuilianin rel kawng a tih chhiat dante a en hnuah FCSCA Minister chuan chawl loa an thawhna chu fakawm a tih thu sawiin, Mizoram bakah Churachanpur lam buhfai supply luhna hnuk pawimawh tak a nih angin siamthat thuai a nih theihnan tṭan la lehzual turin a chah.

Railways hotute leh hna thawktuten October thla chhungin an hna zawh hman an tum thu FCSCA Minister hi an hrilh a ni.