Kumin chhungin Forensic-ah thil 7,040 endik a ni tawh

Mizoram Forensic Science Laboratory (FSL) chuan kumin 2024-ah August 31 thleng thleng thubuai 861-ah thil chi hrang hrang 7,040 an endik tawh.

FSL mithiamte chu kumin hian thil thlenna hmunah ṭum 61 kal chhuakin, thil thlenna hmun an enfiah a; an endik tam ber chu NDPS Act hnuaia thubuai ziah luh enfiah ngaite niin, 677 an enfiah tawh. A dawttu chu túr kaihhnawih niin, thil 149 an enfiah tawh a ni. An thil enfiah zinga 665 chu court-ah an thehlut tawh.

FSL-in thil dang an endik ṭhenkhatte chu - rûkrûk kaihhnawih 77, pawngsual kaihhnawih 36 leh tualthah thubuaia enfiah ngai 35-te a ni.