April 30, inthlan ni chawlhah puang

General Administration De­part­ment (GAD) chuan thupek chhuahin, April 30, 2015 chu village council leh local council inthlannaa vote thlak a nih dawn avangin state public holiday-ah a puang.

Chawlh hian inthlan neih ve lohna tur Saiha leh Lawngtlai district erawh a huam lo.

Hetihlai hian, V/C inthlana Serchhip district chhung khaw hrang hranga duty tur police 60-te chu vote thlakna tur ballot paper pek an ni tawh a; police duty turte hian an duty-na tur hmun azirin Serchhip DC office, North Vanlaiphai SDO(C) office leh Thenzawl SDO(C) office-ahte vote an thlak ang.