Kolasib NERDP portal tlangzarh

Kolasib district ram leilung awm dan leh a hman ṭangkai dan tur rua­hmanna, North Eastern District Resources Plan (NERDP) portal chu nimin khan Kolasib DC conference hall-ah DC Jitender Yadav-a'n a tlangzarh.

Jitender Yadav chuan, Kolasib district ram leilung awm dan hrang hrang leh a hman ṭangkai dan tur ruahmanna siam a ni chu lawmawm a tih thu sawiin, "District inrelbawlna fel zawk leh line department-te tana DPR felfai leh changtlung zawk siam theih nana puitu tur NERDP hi department-te'n ṭangkai an hman a pawimawh a ni," a ti.

NERDP portal hi Mizoram Remote Sensing Application Centre (MIRSAC) leh North Eastern Space Application Centre (NESAC) ṭangkawp buatsaih a ni a; Kolasib DC office-ah bun niin, a hmang duh line department-te tan hman theih a ni.