Lungleia Kendriya Vidyalaya A puitling mek - LDCC

Lunglei District Congress Committee chuan, Lungleia Kendriya Vidyalaya din tur chu parliamentary secretary (School Education) Joseph Lalhimpuia zarah a puitling mek niin an sawi a, "Kendriya Vidyalaya Sangathan headquarters aṭangin EE DDS Pachauri chuan Kendriya Vidyalaya, Lunglei tan cheng nuai 2385.37 sanction order a rawn tichhuak ta," an ti.

LDCC-te tarlan danin, Kendriya Vidyalaya dinna tur cheng nuai 2385.37 hi type-A school building, staff quarters pakua, boundary wall leh thil dangte siamna tur a ni a; hna thawh ṭan thuai beisei a ni.

LDCC chuan, Lungleia Kendriya Vidyalaya din tum hi kum 2012 khan a hlamzuih ṭêp nia sawiin, "Kum 2003-04 a din ṭan tirhin KVS policy kalha mimal ram lei a nih vangin ram hi hralh leha tihtawp tum a ni a, zirlai nu leh pate mangangin HPC vice chairman Joseph Lalhimpuia ṭahawhin, ani hian August 5, 2011 khan HPC meeting-ah a pharh a, ram leina chu HPC sum aṭanga rulh turin an pawm a ni," an ti.