Power line siam mek zel

April 20, 2015 zana thlipui tlehin Mizoram hmun hrang hranga kawlphetha sem darhna hrui a tihchhiatte chu siam ṭhat zawh ṭêp a ni tawh a, Mizoram hmun hrang hrangah kawlphetha pek leh theih a ni ṭan tawh.

Thu dawn danin, 132 KV Zuangtui Sub-Station aṭanga Mizoram chhim lam district palia kawlphetha pekna 132 KV line chhia chu Nilaini tlai khan hmuh chhuah niin, siamṭhat tawh a ni a, kawlphetha pek nghal a ni.

Hetih lai hian, Aizawl aṭanga West Phaileng pekna line aṭanga kawlphetha sem darhna erawh siam ṭhat a la ni lo a, nimin chawh­nu khan a chhiatna lai chu Lengpui leh Rawpuichhip inkar a ni tih hmuh chhuah a ni.

Saitual aṭanga Sihfa êng pekna 11 KV line chhia pawh siam mek a ni a, Bûkpui aṭanga Hnahthial pekna line dik lo pawh chhui mek a ni bawk.