Avian Influenza-ah inveng lâwk

Tun hnaia hmun hrang hranga ar hri lêng mek, Avian Influenza chuan Manipur a thlen avangin, Mizoram a thlen palha hmalak dan tur ngaihtuahin nimin khan AH&Vety secretary K Lalnghinglova hoin AH&Vety department hotute an ṭhukhawm.

Sorkar thuchhuah tarlan danin, Manipur aṭanga ar lam chi hrim hrim leh a tui lak luh khap turin Champhai leh Kolasib DC-te hriattir an ni a; Champhai district-a Khawkawn khuaah thla hnih chhung atan temporary checkgate siam nghal tur a ni. District tina veterinary officer-te chu englai pawha beng chhi renga awm tura hriattir an ni bawk.