Sawivunga'n union minister 2 a kâwm

Minister C Lalsawi­vunga chuan September 27, 2024 khan New Delhi-ah Union minister pahnih a kâwm a, Mizoram mamawh­te a sawipui.

C Lalsawivunga hian Culture minister Gajendra Singh Sekhawat chu a chenna inah kâwmin, Art & Culture department hnuaia hmalaknate leh rua­­hmante a sawipui a; Siaha­a cheng vbc 10 senga sak tur Regional Museum pawm tawh, tun thlenga pawisa la pek chhuah loh chungchang leh, Falkawna Tagore Cultural Centre sakna tur DPR peih tawh chungchang a thlen.

Gajendra Singh Sekha­wat chuan, Regional Museum sakna tur sum chu a rang thei ang bera pek chhuah a nih tur thu a lo hrilh a; Tagore Cul­tu­ral Centre pawh DRP thehlut rang tura lo chahin, a lo ngaihven zui tur thu a sawi. Mizoram sorkar hma­­chhawp hrang hrang­ah pawh theihtawp a chhuahpui tur thu a lo hrilh niin sorkar thuchhuahin a tarlang.

C Lalsawivunga hian Finance minister Nirmala Sitharaman pawh a hmu a; 15th Finance Commission hnuaia Mizoramin kum 2022-23 chhunga rural local bodies grant a dawn tur chu first instalment chiah a la dawn thu leh, chumi avanga village council-te'n harsatna an tawh mek thu a thlen a, second instalment pe thuai turin a ngen a ni.