Lunglei-Aizawl maxicab tlân duh lo; Mizoram sorkarin MST bus a tlântir

Lunglei-Aizawl inkara tlân maxicab neitute chu chuan man (fare) Rs 700 aia hniama an tlân theih loh avangin Mizoram sorkar chuan mipui harsatna sutkian nan Lunglei leh Aizawl inkarah Mizoram State Transport (MST) bus a tlântir.

Lunglei District Transport Officer-in September 27, 2024-a hriattirna a tihchhuahah chuan, "Lunglei-Aizawl Maxicab Wlfare leh Aizawl-Lunglei Maxicab Welfare ten 28.9.2024 aṭangin maxicab fare Rs 700 aia hniama an service theih dawn loh avangin Lunglei-Aizawl zin duhte tan Transport department chuan mipui harsatna sutkian nan MST bus hi Aizawl-Lunglei tan special bus a service tir dawn a ni," tia tarlan a ni.

Lunglei-Aizawl inkara tlân maxicab neitute chu chuan man (fare) Rs 700 aia hniama an tlân theih loh avangin Mizoram sorkar chuan mipui harsatna sutkian nan Lunglei leh Aizawl inkarah Mizoram State Transport (MST) bus a tlântir.

Lunglei District Transport Officer-in September 27, 2024-a hriattirna a tihchhuahah chuan, "Lunglei-Aizawl Maxicab Wlfare leh Aizawl-Lunglei Maxicab Welfare ten 28.9.2024 aṭangin maxicab fare Rs 700 aia hniama an service theih dawn loh avangin Lunglei-Aizawl zin duhte tan Transport department chuan mipui harsatna sutkian nan MST bus hi Aizawl-Lunglei tan special bus a service tir dawn a ni," tia tarlan a ni.

DTO tarlan danin, MST bus special service tlân ní tura ruahman chu ni hnih chiah a ni a; September 28 leh 30-ah Lunglei aṭangin Aizawl panin a tlân ang a, September 30-ah Aizawl aṭangin Lunglei a pan dawn a ni.

Lunglei DTO hian hriattirna chhuahin, State Transport Authority (STA) hriatpuina loin lirthei chuan man (fare) tisang lo turin sumdawnna lirthei neitute a lo hriattir tawh a, "Rate sanga tlan lui an awm chuan an chungah action lak a nih pawhin an sawibuai thei lo ang," tiin a tarlang.

Thu dawn danin, Aizawl leh Lunglei inkara maxicab chuan man hi Rs 600 a ni ṭhin a, maxicab neitute chuan Rs 700-ah an tisang a, chu chu Lunglei DTO-in a bawhzui a ni. Maxicab neitute chuan Rs 700 aia hniama an tlân theih loh avangin service an tum lo nia thu dawn a ni.