Pathian leh mipui duhsakna zarah sorkarna kan la - MNF

MNF party chuan thuchhuah siamin, Lai Autonomous District Council (LADC) MDC General Election 2020-ah bial 25 zinga bial 20-ah MNF candidate-te thlan tlin an ni tih an tarlang a, "Pathian leh mipui duhsakna zarah MNF-in sorkarna a la ta a ni," an ti.

MNF chuan, inthlana vote thlaktu mipui zawng zawng chungah lawmthu sawiin, Lai ram mipuiin Mizorama sorkar mek MNF sorkar Zoramthanga kaihhruai an rin tâwkna an tihlannaa an ngaih thu an tarlang a ni.

MNF party chuan, inthlan kaihhnawiha an party aṭanga theihtawp chhuahtu zawng zawng chungah leh inthlan buaipuitu zawng zawng chungah an lawm thu an tarlang a; MNF aṭanga MDC atana thlan tlinte lawmpuiin, duhsakna an hlân tih an sawi bawk.