CM-in cultural programme buatsaihsak

Chief minister Lalduhoma chuan September 27, 2024 khan Mizoram Legislative Assembly conference hall-ah Commonwealth Parliamentary Association India Region, Zone-III inkhawmpuia telte pualin cultural programme leh zanriah a buatsaih a; mahni hnam thilte chawisang zel turin kal khawmte a chah.

Lalduhoma chuan, hmarchhak state-a hnam ze hrang hrangte'n khawvel ram zau zawka an hnam ziate an pholan theih dan tur ngaihtuah a ṭul thu a sawi a, "Kan lâm, zai leh kan tih dan phungte hian India hmarchhaka cheng mipuite mawina a entir. Kan zîk chhuahna te, kan pi leh pute ata kan lo chhawm tawh kan lâm, zai, incheina leh kan ze mawi tak takte hi kan zahpui tur a ni lo a, kan chawisang zel zawk tur a ni," a ti.

Cultural programme-ah hian Pachhunga University College-a Chhawkhlei Cultural Club-in hnam lâm an entir a, zaithiamte an zai bawk.