Vawiinah Mím Kût hmang dawn

Mizoram sorkar huaihawtin vawiin hian Mizoram hmun hrang hrangah Mîm Kût hman a ni dawn. Mim Kût hmanna pui ber Aizawlah chuan Vanapa Hall-ah chawhma dar 11 aṭangin hman a ni dawn a; programme-a a lan danin, hnam lâm, lemchan, zaipawl leh malzaite a awm ang.

Mîm Kût hi Social Welfare, Tribal Affairs, Women and Child Development buatsaiha hman a ni dawn a, a hmanna sum senso tur hi sorkar laipuia Ministry of Tribal Affairs-in a tum.

Aizawla sorkar hnathawkte chu an department-a controlling officer-te remtihna la hmasain Mîm Kût hmannaa an tel phalsak an ni.

Mîm Kût chu Mizo hnam ziarâng leh nun­phungte entira chawi lârna a nih avangin Mizoram sorkar hnuaia thawkte leh state sorkar hnuaia public sector undertaking, board, body leh agency-a thawkte chu vawiin September 30 hian Mizo thuam inbel tura ngen an nih thu sorkar thu-chhuah chuan a tarlang.