Mizoram Governor hna hmui dawn

Mizoram Governor hna hmui tura ruat Nallu Indrasena Reddy, Tripura Governor chuan nimin khan Aizawl a lo thleng a, chief minister Lalduhoma, Assembly speaker Lalbiakzama leh sorkar hotu dangte'n Lengpui Airport-ah an lo hmuak. 

Mizoram Governor Dr Hari Babu Kambhampati chu September 9, 2024 khan Hyderabad-a Star Hospitals-ah dah luh a ni a, a chuapah harsatna a awm avangin ṭha zawka enkawl a nih theih nan intensive care unit (ICU)-ah dah a ni. Dr Hari Babu Kambhampati hian enkawl a la mamawh avangin a hna a chhunzawm thei lo a; a theih loh chhunga Mizoram Governor hna hmui turin Tripura larsap Nallu Indrasena Reddy ruat a ni a, vawiin chawhma dar 10 hian Raj Bhavan-ah Mizoram Governor atan thu tiamtira lak luh a ni ang.