Pawl parukin thisen an pe

September 28, Inrinni khan pawl hrang hrangin thisen unit 177 an pe. KṬP, Chanmari West Hmarveng Branch-in Synod Hospital tan unit 40 pein, petute mipa 38 leh hmeichhia pahnih an ni a; KṬP, Tlangnuam Branch-in ZMC tan unit 35 pein, petute mipa 28 leh hmeichhia pasarih an ni. ṬKP, Aizawl Area-in Civil Hospital, Aizawl tan unit 41 an pe a, petute mipa 25 leh hmeichhia 16 an ni.

Salvation Ṭhalai Pawl (Salvation Church of India)-in Lunglei Civil Hospital tan unit 22 pein, petute mipa 20 leh hmeichhia pahnih an ni a; Adventist Youth Federation, Kolasib Bialte'n District Hospital tan unit 28 an pe a, petute mipa 18 leh hmeichhia 10 an ni. Serchhip Higher Secondary School NSS-in District Hospital-ah unit 11 an pe bawk.