Serchhipah sangha notê sem

Serchhipa Fisheries department chuan Socio-Economic Develoment Programme (SEDP) hnuaiah nimin khan Serchhipa sangha dil neitu leh sangha khawitute hnenah sangha notê an sem.

Sangha notê an sem hi IMC leh Exotic carp sangha (fingerlings) a ni a, sorkarin a man pangngai aṭangin 70% a peksak (subsidise) avangin sangha pakhat Rs. 1.20 zelin sangha khawitute‘n an lei a; mi 93 hnenah sangha 500 ṭheuh, a vaiin 46,500 pek a ni.

Nimina Serchhip circle chhunga sangha no sem hi SEDP scheme hnuaia kalpui a ni a, tun kar tìr lamah khan Thenzawl leh Tuikum circle-ah sangha notê 1,18,600 sem a lo ni tawh a, kar lehah Hrangturzo circle-ah sem leh a ni ang.