Vote thlak dan tur sawifiah
Mizoram State Election Commission (SEC) chuan thuchhuah siamin, April 30, 2015-a village council leh local council inthlan huna vote thlak turte tana hriat turte a tarlang.
Voter-te hriat tur:
• Vote thlak hmain general seat awm zat leh reserved seat (hmeichhe pual) awm zat chiang taka hriat tur a ni a, general seat tan ballot paper vár (white) hman tur niin, reserved seat atan ballot paper sen no (pink) hman tur a ni.
• Vote thlakin seat awm zat chiahah chhut tur a ni a, seat awm zat aia tama chhut a nih chuan vote chu a thia ngaih tur a ni.
• Vote thlaktuin vote chhutna tur hmanrua (arrow cross-mark) a chhut hmain stamp pad (lehkha chhutna tui)-ah nawr hmasak tur a ni a, chumi hnuah candidate an duh zawngte chhinchhiahna (symbol) emaw, symbol bulah emaw chhut tur a ni.