SRS-in mi 165 an khawm tawh

Central YMA hnuaia Supply Reduction Service (SRS)-te chuan April 23 zing khan Aizawl khawpui an fang kual leh a, hmei­chhe awm ṭha duh lo mi 15 an khawm. Heti hian SRS din hnua awm ṭha duh lo an khawm zawng zawng chu mi 165 an ni.

SRS-te chuan hmei­chhia an khawmte chu Central YMA Hall-ah an hruai a; an zilhhau bakah, counselling neihpui an ni. Chumi hnuah an chhung­te leh an awmna branch YMA hruaitute hriattir an ni a, YMA hruaitute'n an veng leh inah an hruai haw a ni.

Central YMA hruaitute chuan, ruihhlo ti ṭhinte leh veng chhunga hnawksak zualte pawh SRS-te'n an zilhhau ṭhin tih sawiin, "Counselling pawh pek zel an ni," an ti. Tun dinhmun­ah sorkar nen ṭangkawpin protective home-ah kum tling lo pahnih leh hmei­chhia pathum dah luh an ni a, Durtlanga home-ah hmeichhe paruk dang dah an ni tawh bawk.

SRS hian a din tirh aṭangin mi 165 an khawm tawh a, chung zinga pakhat chu Excise & Narcotics kutah an pe a, pariat chu police kutah an hlan. Heroin hawng 6 leh cane 581 leh Alprozelum mûm 3,340 an man tawh a ni.