RMSA-a thawkte harsatna sukiang turin an ngen

MPC party ṭhalaite chuan thuchhuah siamin, RMSA laboratory attendant leh clerk mi 366-te manganna hrethiam a, an harsatna sutkiansak turin sorkar an ngen.

MPCY-in Ministry of HRD hnuaia RMSA Project Approval Board-in RMSA laboratory attendant leh clerk bakah, SCERT Guidance & Counseling staff-te hlawh tur a pawm tâk loh vang­a kumin April aṭanga bàntirte chu an lai­nat thu an sawi a, "An tana ṭàmpui mitthi lo thleng hi Mizoram sor­kar hian mutmawh hnàrmawhah nei ngei se kan duh a ni," an ti.

Chief minister, minister-te, MLA-te leh officer-te'n anmahni leh an chhungkaw inrêlbâwlna atana an mamawh bak uchuak taka sorkar sum an khawh ralte chu titawp se an duh thu sawiin, MPCY chuan, "Mipuite hrêk nana hmang tawh loin, mahni inhrêk nan hmang ngam tawh se, buh­fai man tona hlêp te, chhiah punna sumte, tui man leh electric bill sang aṭangte hian RMSA hnuai­a thawkte chhawr zui ngei turin Mizoram sorkar kan ngen a ni," an ti.