Thawh zel phûtin chaw nghei tum

RMSA hnuaia laboratory attendant leh clerk-te leh, SCERT-a Guidance and Counselling staff-te chuan, an hna thawh chhunzawm phût nan April 28, 2015 aṭangin PRISM office-ah chaw nghei an tum.

RMSA lab. attendant leh clerk-te chu nimin khan Mizo High School field-ah an pung khawm leh a; chawhma dar 11-a chief minister-in an awmna lai a paltlang laiin thu ziak chi hrang hrang kengin kawng sirah an lo ding a, 'Kan sorkar hian min chhawr chhunzawm rawh se' tiin an au rual bawk. Pungkhawmte hi chawhnu dar 2-ah an ṭin a ni.