Chikhurlui lei siam turin ngen

Pang Zirlai Pawl (PZP) General Headquarters, Vaṭhuampui hruaitute chuan nimin khan an khaw panna kawnga Chikhurluia lui lei an enfiah a; lei chu lirthei kal kai theih loha a chhiat avangin siamṭha thuai turin sorkar thuneitute an ngen.

PZP chuan, Mizoram sorkar hmalaknain Saibawh leh Vaṭhuampui inkar kawng chu paneled concrete pavement (PCC)-a siam mek a nih thu sawiin, "Chikhurlui lei chu lirthei tana zawh theih loh khawpin fûr tuilianin a hnâwl chhia a, hei hian mipui tan harsatna nasa tak thlenin, mamawh châkkhai lam turin rit phur chunga kea kal a ngai ṭhin. Mipuite‘n harsatna nasa zawk kan tawh loh nan a rang lama siamṭhatsak thuai turin thuneitute kan ngen a ni," an ti.