Industry lama hmalak dan tur sawiho

Thawhlehni khan Commerce & Industries minister Dr R Lalthangliana hoin official leh industry kaihhnawih pawl hrang hrang - Mizoram Industries Owner’s Association, Mizoram Chamber of Commerce & Industries, Mizoram Industries Association, Mizoram Wood-based Industry Association, Mizoram Steel Fabrication Association, Mizoram State Bamboo Association, Food Processing Society of Mizoram leh entreprenuer-te'n industry lama hma lak dan tur an sawiho.

Meeting-ah hian central sorkarin kalphung thar leh policy a duan zulzuia hma lak theih na tur kawng hrang hrang inhrilh hriat a ni. Mizoram chhunga MSME-te mumal zawka an awm theih dan turte sawi a nih bakah, Mizoram Industry pawl hrang hrangte hian harsatna an neihte sutkian a nih theihnan rawtna hrang hrangte siam a ni. 

Hma lak leh zelna turah pawh Industry neite nen pheikhai rual taka kal nise, tih a ni. Dr R Lalthangliana chuan Mizoramah MSME-ten hma an sawn chhoh zelna atan theihtawp chhuah a tum thu a sawi.