Insawisak chhui turin magisterial inquiry din

Mizoram sorkar chuan September 21, 2024 zana Durtlang Leitana Dr Rinngheta Renthlei, Durtlang, Dr Laldinliana Sailo, Zemabawk North leh Lalthlamuana, Durtlang te kutthlak rawn an nih chungchang chhui turin magisterial inquiry a din.

Aizawl district magistrate Lalhriatpuia chuan magisterial inquiry dinna order nimin khan a tichhuak a, magisterial inquiry kalpui turin Aizawl additional district magistrate Mark Lalthanliana ruat a ni tih a tarlang. Mark Lalthanliana hi ni sarih chhunga a thil chhuina report thehlut tura tih a ni.

Tarlan tawh angin, he thil thleng chungchangah hian Indian Medical Association, Mizoram State Branch leh Synod Hospital doctor te, Durtlang khawtlang leh Zemabawk North khawtlangte chuan magisterial inquiry din ngei an phût thu an lo puang tawh a ni.