Card var buhfai man pung dawn

Mizoram sorkarin a ruahman angin vawiin October 1, 2024 aṭang hian ration card varte tana ration buhfai khul man chu kg. khatah Rs 30 a ni tawh dawn.

National Food Security Act hnuaia tel lo, ration card varte tana buhfai man tihsan chungchangah hian FCSCA department chuan September 24, 2024 khan hriattirna a lo chhuah tawh a ni. Retailer-te'n kudam aṭanga card várte tana buhfai an khulna (leina) man tur chu quintal khat Rs 2,850 a ni tawh dawn a; card var neite'n buhfai kg. khat Rs 30-in an khul tawh dawn a, retailer-te lawmman (retailer's margin) pawh pawisa 50 aṭangin Rs 1.50-ah tihsan a ni.

Ration buhfai man tih­pun hi card var tan chauh a ni a, card pawl leh card eng neite buhfai man erawh tihpun a ni lo.