MNF-in chhung inkhawm an nei

MNF party chuan nimin khan Mizo Hnam Rûnah chhung inkhawm an hmang. Thusawitu MNWF treasurer Prof. Irene Lalruatkimi chuan, Mizo hmeichhiate an theuneu loh thu sawiin, "Pathian hruaina leh hotute ruahmanna ṭha hmangin hmeichhiate'n dinhmun pawimawh tak tak kan luah chho zel a, hmeichhiate ṭangkaina leh tel ve a ṭulna leh pawimawhnate hriat chhuah chho zel a ni," a ti.

Irene Lalruatkimi chuan, social media a chak tawh hle tih sawiin, "In chhungkhurah kan fate social media-in engtiang chiahin nge a khawih tih kan enpui a pawimawh. Kan tu leh fate tan hian nute hi kan pawimawh em em a ni tih kan inhriat thar a pawimawh," a ti a; tu leh fate'n zâwm se an tih ang chi chu sawi tam a pawimawh thu a sawi.