Sanitation worker-te hriselna dinhmun enfiah

Swachhata Hi Seva 2024 hnuaia faina beihpui thlak kalpui mek pualin Health & Family Welfare department-a thawkte chuan nimin khan Urban Development & Poverty Alleviation department hnuaia Lungleia faina lama hna thawktu (sanitation worker)-te hriselna dinhmun an enfiah.

Hriselna dinhmun enfiahna hun hi Lunglei Convention Centre-ah buatsaih a ni a; faina lama thawktute chu thisen sang, zunthlum, pán/láwng (ulcer), rannung seh (scrub typhus) leh sikserh (malaria) natna an vei leh vei loh endik a ni. Sakawr ek hrik (tetanus) hri danna (vaccine) pek nghal an ni bawk.

Sanitation worker-te hriselna dinhmun enfiahnaah hian Lungleia HFW department aṭangin doctor pahnih, nurse, pharmacist leh thawktu dangte an thawk chhuak a ni.