Ni 5 chhungin Covid-19 vei zirlai 13 hmuh chhuah a ni

Mizoramah tun hnai ni nga chhungin Covid-19 vei zirlai 13 leh zirtirtu pakhat hmuh chhuah a ni a; tun hnai chawlhkar hnih chhunga hripui vei hmuh chhuah zinga a tam zawk chu taksaa harsatna nei (Covid-19 symptom lang) an ni bawk.

Nimina Health Minister hoa sorkar hotute leh pawl ṭhenkhat hruaitute ṭhutkhawmnaa tarlan danin, tun hnai ni nga chhunga Covid-19 positive zirlai 13 hmuh chhuah zinga pali chu hostel-a lut hman tawh an ni a, a bâk chu hostel-a lût lo an ni.

Mizoram sorkar chuan October 16, 2020 (kar kal ta Zirtawpni) aṭang khan pawl 10 leh 12 zirlaite chu dan pangngaia sikul kai tawh turin a ti a; chumi ang chuan October 16-a sikul kal ṭan nghal sikul tam tak an awm a, tun kar tìr (Thawhṭanni) aṭanga kal ṭan eng emaw zat an awm bawka thu dawn a ni.