Chaw nghei

RMSA hnuaia labo­ratory attendant leh clerk-te chuan, nimin chawhma dar 10 aṭang khan an hna thawh chhunzawmtir tura sorkar phûtna atan PRISM office-ah tiamchin awm loin chaw an nghei.

Laboratory attendant leh clerk-te sawi danin, nimin khan chief minister Lal Thanhawla an hmu a, bàn an ni chu sorkarin lainat hle mah se, chhawr zuina tur sum a awm loh avangin tihngaihna a awm loh thu a lo hrilh. School Education minister H Rohluna pawh an hmu a, ani pawh hian thu ngai tho hi a lo hrilh.

RMSA hnuaia thawk ṭhin bàn takte hi an vaiin mi 366 an ni a, chaw ngheinaah hian mi 60 vel an tel phawt dawn a ni.