Congress vote tum lo an tam: Thangtea

MNF vice presidenr Dr R Lalthangliana chuan, village council leh local council inthlan awm turah Congress party vote tum lohna hri a léng niin a sawi.

Dr R Lalthangliana hian nimin khan Hnah­thial Venglai YMA Hall-a vantlang inkhawmah thu sawiin, VC leh LC inthlan lo awm tur chu hun dang zawng aiin eptu party-te'n an phûrpui niin a sawi a, "Ruling lam chu rau mak takin a delh bet tlat a, Congress party vote tum lohna hri a lêng mek a ni," a ti.

MNF Vice President chuan, Central aṭanga sum hmuhna CSS, ACA, SPA leh a dangte aṭanga sum lo kalte chu Congress sorkarin an insem káwt niin a sawi a; sorkarin sum a neih loh avangin zu aṭanga kawng hrang hranga sum lak an tum thu leh khuarel chhiat­na tuartute aṭangin silpauline pakhat pekah Rs. 100 zel an la niin a sawi. Blood processing fee chungchangah, "MNF a sorkar hun hun­ah kan titawp ang," a ti.

Dr R Lalthangliana chuan, RMSA-a laboratory assistant leh clerk mi 366-te bàn chung­chang chu en liam mai loa enzui chi a nih thu sawiin, "A rahna kûng awmna hre saa a rah lawh tum ang velin a awlsam ka ring," a ti.