Sept. 22-24 ah Anthurium Festival

Anthurium Festival 2016 State Level Organising Committee chu nimin khan Tourism minister John Rotluangliana hoin a pisaah an
ṭhukhawm a, September 22-24, 2016 chhunga Reieka Anthurium Festival hman dan tur an sawiho.

John Rotluangliana chuan, An-thurium Festival chu state sorkar thil tih a nih thu sawiin,"Tourism department hi a nodal department kan ni mai a, department hrang hrangte'n an chanpual ṭheuhah ṭhahnemngai taka an ṭan tlan a pawimawh," a ti a; kuminah Anthurium Festival uar thei ang ber leh hlimawm taka hman a theih a nih a beisei thu a sawi.

Meeting chuan, Tourism Secretary kaihhruaina hnuaia Working Committee din an rem ti a, Committee chuan festival hman dan tur an rêl ang.

Meeting-ah hian Tourism depart-ment hotute bakah, Police, PHE, PWD, P&E, KVIC, Horticulture, Health, Excise & Narcotics, IPR, DDK, Mizo Cultural Organisation, MJA leh Zo Anthurium Growers’ Society hotute an tel a ni.