Sorkarin in luah tur a hmuh chuan Champhai Dist. Session Court din tiam

Gauhati High Court chief justice Ajit Singh chuan, nimin khan Champhai a tlawh a; sorkarin in luah tur a hmuh theih chuan Champhai District Session Court din nghal a nih tur thu a sawi.

Ajit Singh hian district thu-neitute'n Court building thar sak zawh hmaa luah lailawk tura an ruahman, Zote-a IIDC hmunhmá a endik a, lungawithlak a tih thu a sawi a, "Court tur atan sorkarin building luah lailawk tur a ngaihtuah theih chuan Champhai District Session Court din nghal a ni ang," a ti.

Chief Justice hian Champhai District Court a tlawh a, Dis^-trict Court thuneitute'n an lo dawng-sawngin, an harsatna neihte leh a sutkian dan turte an sawipui.

Champhai District Session Court din a nih theih nan hian sorkar leh tlawmngai pawlte'n kawng hrang hrangin hma an la a, DC Office chuan GAD lamah Court building atana IIDC building hman hawh dilna an thehlut tawh a ni.

Chief Justice hi Gauhati High Court judge Michael Zothankhuma, regsitrar general HK Sharma, principal secretary to chief justice Ratkim Duarah, leh secretary to chief justice Sailendra Chaudhury ten an ṭawiawm.