Hri lêng do dan tur sawiho

Churachandpur district, Manipur-ah natna chi khat, Japanese Encephalitis (JE) vangin tun hnaia sikulte khâr a ni leh thihpui an awm avangin, nimin khan Aizawl DC Kannan Gopinathan hoin a pisaah sorkar thuneitute an
ṭhukhawm a; JE hri lêng laka inrálrinna tur leh hmalak dan tur an sawiho.

Meeting-ah hian Health deparment aṭangin State Vector Borne Disease Control Programme (SVBDCP), Integrated Disease Surveillance Programme (IDSP), Aizawl East District Chief Medical Office leh SDO (Civil), Sakawrdai
aṭangin aiawhte an tel.

Japanese Encephalitis (JE) hi Mizo-ramin a la hmelhriat loh natna a ni a, thosi chi khat ‘Culex thosi’ in a thehdarh deuh ber. Thosi leh ranvulh ṭhenkhat zinga mi vawk inkara inkai chhâwn a ni deuh ber a, vawk bakah ran dang - bawng, láwi, árte'n an kai thei. Thosiin mihring an seh chuan mihringin an kai thei a ni.

JE natna lan chhuah dan tlangpui chu - khawsik sang taka inṭanin, kaih, rilru lam buaina, awm hle hle theih lohnate leh hriatna tibuai zawngtein a lang chhuak ṭhin.

Meeting-a thurel Ṭhenkhat

. Aizawl district leh Churachandpur district ramrî-ah vawk, bawng, láwi leh arte lak luh rih loh ni se.

. JE natna thehdartu thosi zir chianna neih theih dan tur rel a ni.

. JE natna finfiah theihna tur hmanraw pawimawh neih theih dan tur.

. Ramri bul hnaia district leh khuaah JE natna chungchang inzirtirna chak zawka kalpui.

. Aizawl district chhunga Churachandpur district ramri hnaiha awm sikul zawng zawngah inzirtir.

. JE natna veia rinhlelhawm reng reng damdawi-in leh sorkar hnena hrilhhriat zung zung a nih theih dan tur.

. Damdawi-in tinah doctor leh nurse-te tan JE natna enkawl dan tur mumal tak leh rualkhai taka kalpui a nih theih dan tur.