BJP-te Mizoram tana thawk turin chah

BJP, Mizoram Pradesh chuan ni-min khan BS Farm, Falkland Vengah leadership training an nei a; thu sawi tura an sâwm Vanneihtluanga, Lengzem chanchinbu editor chuan, political party-a zuang lâwr takte chu hruaitu ṭha an nih a rinawm loh thu sawiin, BJP tan chauh ni lo, Mizoram tana thawk turin a chah.

Leadership training hi Mizoram BJP president Dr JV Hluna'n a kaihruai a; Vanneihtluanga chuan, "Thlèngtlawr zuan awm khawmna party ni lo ula, in pawl hming leh in nihna enghelh vak duh suh u. In pawlin Mizoram tan thil ṭha eng nge in tih, tih zawk hi ngai pawimawh hmasa rawh u," a ti a, sorkar laipuiah Mizoram BJP aiawh ang lek ni lo a, Mizoram mipui aiawh ni tlak tura inchher turin a fuih.

BJP leadership training hi phai lama BJP hruaitute'n an hmanpui bawk.