ZNP hi therhlo beiseitute tan Luhna chi a ni lo: Lalduhoma

ZNP president Lalduhoma chuan, ZNP chu tun dinhmunah therhlo beiseitute tan luhna chi a ni lo tih sawiin, "Vawiin thlenga lo lut mekte hi ṭha nia an hriatah huaisen takin an lo lut a ni,” a ti.

Nimina ZNP party pisaa inkhawmah thu sawiin, Lalduhoma chuan, “Party pakhat aṭanga party danga insawn hian insawn dan chi hnih a awm. Hamṭhatna ûma party lian zawk leh ruling party-a lut an awm a, chutiang mi chu 'thlengtlawr zuan' an ni," a ti a; a dang leh chu policy leh an hruaitute zui tlak loh nia hriat chhuahsana ṭha zawk nia hriat party-a lutte an nih thu a sawi.

ZNP thuchhuah chuan, nimina an party inkhawmah hian MNF aṭanga an party zawm thar an lawm lut niin an tarlang.